సంగారెడ్డి జిల్లా విద్యాధికారి(డీఈవో) నాంపల్లి రాజేశ్ అవినీతి నిరోధక శాఖ(ACB)కి చిక్కారు. సీనియర్ అసిస్టెంట్ ద్వారా ఒక ప్రైవేటు పాఠశాల యాజమాన్యం నుంచి రూ.50 వేలను లంచంగా తీసుకుంటూ పట్టుబడ్డారు.
సంగారెడ్డి :
ACB మెదక్ రేంజ్ DSP ఆనంద్ తెలిపిన ప్రకారం…
రామచంద్రాపురం మండలానికి చెందిన ఒక ప్రైవేటు పాఠశాల యాజమాన్యం SSC సిలబస్ నుంచి IPS ఈకి మారాలనుకుంది. నిరభ్యంతర పత్రం(ఎన్వోసీ) కోసం అవసరమైన అన్ని ధ్రువపత్రాలను సమర్పించింది. ఎంఈవో సంబంధిత దస్త్రాన్ని జిల్లా కార్యాలయానికి పంపారు. ఈ పని పూర్తి చేయడానికి రూ.1.10 లక్షలు లంచమివ్వాలంటూ డీఈవో రాజేశ్ డిమాండ్ చేశారు. అంగీకరించని పాఠశాల యజమాని ఈ నెల 15న ACB ని సంప్రదించారు. వారి సూచనల మేరకు, రెండు విడతలుగా లంచం ఇస్తానని డీఈవోను ఒప్పించారు. శుక్రవారం మధ్యాహ్నం రూ.50 వేలు తీసుకొని సంగారెడ్డి డీఈవో కార్యాలయానికి వెళ్లి, విధుల్లో ఉన్న సీనియర్ అసిస్టెంట్ రామకృష్ణగౌడ్కు అందించారు. ఆ సమయంలో రాజేశ్ అక్కడే ఉన్నారు. డబ్బులు తీసుకోగానే అనిశా
DSP ఆనంద్ పాటు ఇన్స్పెక్టర్లు వెంకట్రాజ్, నాగేష్, శ్రీనివాస్, రమేష్ లు నిందితులను రెడ్ హ్యాండెడ్గా పట్టుకున్నారు. తర్వాత వారిద్దరి ఇళ్లలోనూ తనిఖీలు చేశారు.
నాంపల్లి రాజేశ్ 2016-18 వరకు నిజామాబాద్ డీఈవోగా పనిచేశారు. అప్పట్లో మరికొన్ని రోజుల్లో ప్రాంతీయ సంయుక్త సంచాలకులు(ఆర్జేడీ) గా పదోన్నతి వస్తుందనగా.. నిజామాబాద్ జిల్లా ఉపాధ్యాయ సంఘాల నేతలు ఆయనపై అవినీతి ఆరోపణలు చేశారు. విచారణలో వాస్తవాలు వెలుగుచూడటంతో రాజేశ్ను 2018 అక్టోబరులో బాధ్యతల నుంచి తప్పించి, హైదరాబాద్ ప్రధాన కార్యాలయానికి అటాచ్ చేశారు. తర్వాత 2020లో సంగారెడ్డి డీఈవోగా నియమించారు. త్వరలోనే ఆర్జేడీగా పదోన్నతి వచ్చేందుకు అవకాశముందని భావిస్తుండగా, మరోసారి అనిశాకు దొరకడం గమనార్హం.