బీటెక్ స్టూడెంట్ ఆత్మహత్య ఘటన.. పటాన్‌ చెరు డీఎస్పీ వివరణ..
అయితే.. బీటెక్ స్టూడెంట్ రేణుశ్రీ ఆత్మహత్య ఘటనపై పటాన్‌ చెరు డీఎస్పీ పురుషోత్తం రెడ్డి స్పందించారు. గీతం యూనివర్సిటీలో రేణుశ్రీ బీటెక్ ఫస్ట్ ఇయర్ సెకండ్ సెమిస్టర్ చదువుతుందని అన్నారు. మధ్యాహ్నం తర్వాత యూనివర్సిటీలోని క్యాంపస్ లో బిల్డింగ్ పై నుండి దూకి ఆత్మహత్య చేసుకుందని అన్నారు.
సంఘటనా స్థలంలోనే రేణు శ్రీ మృతి చెందిందని క్లారిటీ ఇచ్చారు. పోస్టుమార్టం పూర్తయింది కుటుంబ సభ్యులకు డెడ్ బాడీని అప్పగించామన్నారు. ఇప్పటివరకు రేణు శ్రీ ఆత్మహత్య గల కారణాలు ఇంకా తెలియ రాలేదన్నారు.
రేణు శ్రీ ఫోన్ సిజ్ చేసి చివరిసారిగా ఎవరితో మాట్లాడిందో ఆరా తీస్తున్నామన్నారు. యూనివర్సిటీ నిర్లక్ష్యం కనబడితే వాళ్ళ పైన చట్టపరమైన చర్యలు తీసుకుంటామన్నారు.
కాలేజీకి వెళ్తున్న నా కూతురు ఆత్మహత్య చేసుకుందని తెలిసి షాక్‌కు గురయ్యాను. అయితే ఆత్మహత్యకు ముందు రేణుశ్రీ ఫోన్ చేసిందని పోలీసులు గుర్తించినట్లు సమాచారం.
తల్లిదండ్రులకు ఫోన్ చేశారా లేక మరెవరికైనా ఫోన్ చేశారా అనే కోణంలో పోలీసులు దర్యాప్తు చేస్తున్నారు. చదువుపై ఆసక్తి లేకపోవడంతో ఆమె ఆత్మహత్యకు పాల్పడిందా లేదా మరేదైనా కారణాలతో పోలీసులు లోతుగా దర్యాప్తు చేస్తున్నారు.