రేపటినుండి అక్టోబర్ 14 వరకు స్కూళ్లకు దసరా సెలవులు
హైదరాబాద్ :
తెలంగాణ ప్రభుత్వం అక్టోబర్ 2 నుండి దసరా సెలవులను అధికారికంగా ప్రకటించింది. 13 రోజులు సెలవులు ఉంటాయని స్పష్టం చేసింది. అక్టోబర్ 2న గాంధీ జయంతితో సెలవులు ప్రారంభంకానున్నాయి. అక్టోబర్ 14 వరకు సెలవులు ఉండగా అక్టోబర్ 15న స్కూళ్లు పునః ప్రారంభంకానున్నాయి.
రేపటి నుండి వరుసగా 13 రోజులు సెలవులు రావడంతో విద్యార్థులు తల్లిదండ్రులతో కలిసి సొంత గ్రామాలకు వెళ్ళనున్నారు.మే 25న తెలంగాణ ప్రభుత్వం అకడమిక్ క్యాలెండర్‌ను విడుదల చేసింది. దానికి అనుగుణంగా ప్రభుత్వం సెలవులను ప్రకటించింది. షెడ్యూల్‌లో ఎలాంటి మార్పులు చేయకుండా 13 రోజులు సెలవులను ప్రకటించింది.
అటు ప్రైవేట్ స్కూళ్లు కూడా పేరెంట్స్‌కు సెలవుల గురించి సమాచారం ఇస్తున్నారు. హాస్టళ్లలో ఉన్న విద్యార్థులు ఇళ్లకు వెళ్లడానికి సిద్ధం అవుతున్నారు..
తెలంగాణ రాష్ట్రంలోని పాఠశాలల్లో మంగళవారం బతుకమ్మ సెలబ్రేషన్స్ జరపనున్నట్టు యాజమాన్యాలు వెల్లడించాయి. అందుకు తగిన ఏర్పాట్లు చేస్తున్నాయి. స్కూళ్లలో ఈరోజు జరిగే బతుకమ్మ సెలబ్రేషన్స్‌కు విద్యార్థులు రెడీ అవుతున్నారు.
మరోవైపు ఆంధ్రప్రదేశ్‌లో ప్రభుత్వం కూడ సెలవులను ప్రకటించింది. అక్టోబర్ 03 నుండి అక్టోబర్ 13 వరకు దసరా సెలవులు ప్రకటించింది. అన్ని విద్యాసంస్థలు సెలువులు ఇవ్వాలని అదేశించింది.