పొట్టుపొట్టు కొట్టుకున్న మహిళా కానిస్టేబుల్, లేడీ లెక్చరర్…
నిజామాబాద్ :
ఇంటర్మీడియట్ పరిక్షా కేంద్రం వద్ధ 144 సెక్షన్ ఉల్లంఘించి, అక్కడ బందోబస్తు విధులు నిర్వహిస్తున్న మహిళ కానిస్టేబుల్ పై చేయి చేసుకున్న మహిళ లెక్చరర్ పై పోలీసులు బుధవారం కేసునమోదు చేశారు.
పోలీసులు తెలిపిన వివరాల ప్రకారం….
నిజామాబాద్ నగరంలోని మూడవ టౌన్ పోలీస్ స్టేషన్ పరిధిలోని ఎస్ఆర్ కాలేజీ వద్ద మంగళవారం విధులు నిర్వహిస్తున్న మహిళ కానిస్టేబుల్ ను కొట్టిన లెక్చరర్ ఆఫ్రిన్ పై కేసునమోదు చేసినట్లు ఎస్సై శ్రావణ్ కుమార్ తెలిపారు. గత కొన్ని రోజులుగా కంఠేశ్వర్ లోని ఎస్ఆర్ కాలేజీలో ఇంటర్ పరీక్షలు జరుగుతున్నాయి.
పరీక్ష పూర్తి కాకముందే పరీక్ష కేంద్రం గేటు వద్దకు ధర్మపురి హిల్స్ మైనార్టి కళాశాలలో కాంట్రాక్ట్ లేక్చరర్ గా పనిచేస్తున్న అప్రిన్ రావడంతో మహిళ కానిస్టేబుల్ అడ్డుకుంది. పరీక్షా కేంద్రం వద్దకు రావద్దని మహిళ కానిస్టేబుల్ చెప్పడంతో ఇరువురి మధ్య వాగ్వివాదం చోటు చేసుకుంది. దీంతో అప్రిన్ కానిస్టేబుల్ ను చెంపదెబ్బ కొట్టడంతో పోలీసు ఉన్నతాధికారులకు సమాచారం అందించారు. ఎస్ఆర్ కళాశాల వద్ధ ఉన్న సీసీ కేమోరాలో అప్రిన్ దాడి పుటేజి అధారంగా పోలీసులు విచారణ జరిపి ఆఫ్రిన్ పై కేసు నమోదు చేశారు.