మద్యం మత్తులో ఇద్దరు స్నేహితుల మధ్య జరిగిన ఘర్షణలో వ్యక్తి దారుణ హత్యకు గురయ్యాడు. సికింద్రాబాద్ తుకారాం గేటు పీఎస్ పరిధిలో ఈ ఘటన జరిగింది.
సికింద్రాబాద్ :
మద్యం మత్తులో ఇద్దరు స్నేహితుల మధ్య జరిగిన ఘర్షణలో వ్యక్తి దారుణ హత్యకు గురయ్యాడు. సికింద్రాబాద్ తుకారాం గేటు పీఎస్ పరిధిలో ఈ ఘటన జరిగింది. గోల్బాయ్ బస్తీకి చెందిన చారి, అజర్కి మధ్య మటన్ తినే విషయంలో వాగ్వాదం చోటుచేసుకుంది. ఇద్దరు అప్పటికే మద్యం తాగేసి ఉండటంతో గొడవ మరింత పెద్దదిగా మారింది. ఈ క్రమంలో అజయ్ కత్తితో చారిపై దాడి చేయడంతో అక్కడికక్కడే మృతి చెందాడు. ఘటనాస్థలిని పరిశీలించిన పోలీసులు కేసు నమోదు చేసి విచారణ చేపట్టారు. నిందితుణ్ని అదుపులోకి తీసుకొని ప్రశ్నిస్తున్నారు. మృతదేహాన్ని పోస్టుమార్టం నిమిత్తం గాంధీ ఆస్పత్రికి తరలించారు.