హైదరాబాద్ మింట్ కాంపౌండ్ లో భారీ అగ్ని ప్రమాదం
హైదరాబాద్ :
హైదరాబాద్‌లో మరో అగ్ని ప్రమాదం సంభవించింది. మొన్ననే మాదాపూర్ పోలీస్ స్టేషన్‌లో అగ్నిప్రమాదం జరగ్గా.. మళ్ళీ ఈరోజుఉదయం మింట్ కాంపౌండ్ ప్రభుత్వ పుస్తక ముద్రణా కార్యాల యంలో భారీ అగ్ని ప్రమాదం జరిగింది.
ఈరోజు తెల్లవారుజామున జరిగిన ఈ ప్రమాదంలో ముద్రణా యంత్రాలు, పలు పుస్తకాలు మంటల్లో కాలి బూడిదైపోయాయి. సమాచారం అందుకున్న అగ్నిమాపక సిబ్బంది, పోలీసులు ఘటనా స్థలానికి చేరుకుని వెంటనే సహాయక చర్యలు చేపట్టారు.
వెంటనే మంటలు ఆర్పడంతో పెను ప్రమాదం తప్పింది. షార్ట్ సర్క్యూట్ వల్లే ప్రమాదం జరిగినట్లు అగ్నిమాపక సిబ్బంది వెల్లడించారు.
ఒక్కసారిగా మంటలు వ్యాపించడంతో ఉద్యోగులు తీవ్ర భయాందోళనకు గురయ్యారు. ఈ అగ్ని ప్రమాదానికి సంబంధించి పూర్తి సమాచారం తెలియాల్సి ఉంది.