నిజామాబాద్‌ :
ఇంటర్‌ ఫస్టియర్‌ పరీక్షలు పూర్తి చేసుకొని ఇంటికొచ్చిన కుమారుడు.. విగతజీవులుగా పడి ఉన్న తల్లిదండ్రులను చూసి గుండెలవిసేలా రోదించాడు. నిజామాబాద్‌లో బుధవారం జరిగిన ఈ ఘటన స్థానికులను కలచివేసింది.
పట్టణానికి చెందిన స్వామి (45), దేవలక్ష్మి (40) దంపతులకు కుమారుడు ఉన్నాడు. స్వామి ఆటో డ్రైవర్‌గా పనిచేస్తుండగా.. బాలుడు డిచ్‌పల్లి మండలంలోని మోడల్‌ స్కూల్‌ హాస్టల్‌లో ఉంటూ చదువుకుంటున్నాడు. బుధవారం వార్షిక పరీక్షలు పూర్తి చేసుకొని ఇంటికి వచ్చేసరికి దంపతులు ఇంట్లో ఉరేసుకొని కనిపించారు.
స్వామి కొంత కాలంగా మానసిక సమస్యలతో బాధపడుతున్నాడని బంధువులు తెలిపారు. ఈ క్రమంలోనే భార్యకు ఉరేసి, తాను కూడా బలవన్మరణానికి పాల్పడినట్టు భావిస్తున్నారు. తమ చావుకు ఎవరూ కారణం కాదని, మానసిక సమస్యలతోనే చనిపోతున్నట్లు ఆత్మహత్యకు ముందు ఫోన్‌లో స్వామి ఆడియో రికార్డు చేశాడు. ఘటనపై కేసు నమోదు చేసిన పోలీసులు దర్యాప్తు చేపట్టారు….