ఫోన్ ట్యాపింగ్ వ్యవహారంలో ఎస్ఐబీ చీఫ్ అరెస్టుకు రంగం సిద్ధం…! అజ్ఞాతంలోకి ప్రభాకర్ రావు..?
ఫోన్ ట్యాపింగ్ వ్యవహరంలో కీలకంగా వ్యవహరించిన (ఎస్ఐబి) స్పెషల్ ఇంటెలిజెన్స్ బ్యూరో మాజీ చీఫ్ ప్రభాకర్ రావు అజ్ఞాతంలోకి వెళ్లినట్లు విశ్వసనీయ సమాచారం.
మాజీ డిఎస్పి ప్రణీత్ రావు అరెస్టుతో అప్రమత్తమైన ప్రభాకర్ రావు యూఎస్ఏ వెళ్లినట్లు పోలీసులు భావిస్తున్నారు.
త్వరలోనే ఆయన ముందస్తు బెయిల్ కోసం హైకోర్టును ఆశ్రయించే అవకాశం ఉందని తెలుస్తుంది. 2018 నుంచి ప్రభాకర్ రావు ఆధ్వర్యంలో ఫోన్ ట్యాపింగ్ జరిగినట్లు పోలీసులు భావిస్తున్నారు. అందుకు సంబంధించిన కీలక సమాచారాన్ని ప్రణీత్ రావు వెల్లడించినట్లు తెలుస్తోంది.
ఫోన్ ట్యాపింగ్ కోసం ఇజ్రాయిల్ నుంచి అత్యధిక పరికరాలను కొనుగోలు చేసినట్లు ప్రణీత్ రావు వెల్లడించారని త్వరలోనే ప్రభాకర్ రావును అదుపులోకి తీసుకుంటారని అందుకోసం రంగం సిద్ధం చేసినట్లు తెలుస్తోంది.